مشروع تجارة الأعلاف
فالبداية انصحك تشتغل بيع قطاعي الأول مش جملة إلي أن تعرف بالممارسة والشغل في الواقع العملي بعد دراسات الجدوي والكلام ال ع الورق ، كيفية أدارة مشروع الاعلاف وتحقيق الارباح وتجنب الخسارة في بداية مشروعك.
دراسة الجدوي⤵️⤵️
١-المكان :- في البداية لازم يكون جيد التهوية بعيد عن الرطوبة عشان العلف ميتأثرش وقيمته الغذائية تقل والزباين تشتكي منه ، حاول فالمكان ع قدر المستطاع يبقي قريب من التجمعات العمرانية الكبيرة وقد ماتقدر يكون المكان ملك ليك مش إيجار.
٢-نوعية العلف :- العلف شركات كتير ولكل منطقه فيه شركتين او تلاته مسيطرين عليها ذي الايمان،الفهد،مكه،النوروالبركة،بلادي،فيدميكس،وشركات غيرهم كتير المطلوب منك تعرف الأهالي متعودة علي أي شركة في منطقتك وتبدا بيه تجارتك.
ومن هنا البداية⤵️⤵️
تبدأ تعرف سعر البيع للاهالي في منطقتك من التجار الموجودين حاليا ، وتسأل في اكتر من مكان عشان توصل للسعر البيع الصح .
بعدها تبدا تشوف تجار الجملة ال هتشتري منهم اسعارهم اي عشان تشوف متوسط ربح طن العلف قد اي.
1️⃣خلي بالك من العلف المغشوش ، تجار الجمله ال ليهم ثقه فالمنطقة عندك هم ال تعتمد عليهم.
2️⃣ ٦٠% من الناس في الأرياف بتشتري آجل عشان كدا وانت بتجهز رأس المال لازم تعمل حسابك بعد شراء البضاعه يكون معاك رصيد قد ال اشتريت بيه عشان متعطلش وتوقف شغلط عشان السيولة.
2️⃣ تجار الجمله غالبا في بيعهم القطاعي ربحهم لا يذيد ع سعر المصنع المعلن عن ٥جنيه في الشيكارة ولا يقل عن ٣.٥ للشيكارة الوحده.
3️⃣ العلف انواع فيه منه
البادي
النامي
البادي نامي
الناهي
الأنواع الاربعه لازم تكون متوفرة في الدفعه الاولة ال هتنزلها
لكن الاكتر خليه في البادي نامي.
4️⃣ تقدر جنب العلف تبيع عطارة وبقوليات وسقايات وعلفات ونشارة خشب بتتفرش فالارضية للكتاكيت الصغيرة ودا حاول تبدأ فيه بعد ٣ او ٤ شهور من بداية شغلك في العلف.
5️⃣ اسعار الأعلاف الآن متقلبه بشكل سريع ما بين انخفاض السعر وارتفاعه ، الكمية ال هتنزلها فالبداية لاتذيد عن طن او طن ونص.
وأي استفسار تقدر تكتبة في التعليقات وهرد عليك ان شاء الله
والله الموفق.
قد يهمك ايضا⤵️⤵️
ليست هناك تعليقات:
إرسال تعليق